Dyma becyn adnoddau sydd cyflwyno enghreifftiau o sut i ddefnyddio technegau ystadegol mewn traethawd ymchwil israddedig.

Mae’n cynnwys 12 pennod hunanhyfforddiant ar gyfer myfyrwyr ail flwyddyn, yn cynnwys:

• ymdriniaeth ag adnoddau priodol a data
• cyfarwyddiadau ar sut i ddefnyddio System Gwybodaeth Ddaearyddol (SGDd / GIS). 

Mae'r pecyn yn cynnwys llawlyfr a ffeiliau data. I lawrlwytho'r ffeiliau, cliciwch yma.

Datblygwyd gan Brifysgol Aberystwyth drwy nawdd y Ganolfan Addysg Uwch Cyfrwng Cymraeg (rhagflaenydd y Coleg Cymraeg Cenedlaethol).

Mae’r llyfr hwn yn esbonio cefndir a chyd-destun yr etifeddiaeth hanesyddol unigryw sydd wedi cynhyrchu’r Gaerdydd sy’n bodoli heddiw. Ffocws y llyfr ydy cynllunio a datblygiadau ffisegol y ddinas, er enghraifft, y trawsnewidiad ym Mae Caerdydd.

Bydd y llyfr yn ddefnyddiol fel rhan o fodiwlau ar ddaearyddiaeth trefol ac adfywiad trefol, ac hefyd ar gyfer ymweliadau astudiaethol, lle gall y myfyrwyr dilyn Taith Gerdded Bae Caerdydd.

Darlith flynyddol Edward Lhuyd 2023

Dr Carol Bell: Her pawb i greu dyfodol cynaliadwy: gweld y patrwm a buddsoddi ar gyfer y tymor hir

Yr Athro Siwan Davies yn traddodi Darlith Flynyddol Edward Lhuyd y Coleg Cymraeg Cenedlaethol a Chymdeithas Ddysgedig Cymru.

Traddodwyd y ddarlith ym Mhrifysgol Abertawe nos Fercher 12 Tachwedd 2014.

'Ynni, Gwaith a Chymhlethdod: Saith Chwyldro Hanesyddol' – Darlith Flynyddol Edward Lhuyd y Coleg Cymraeg Cenedlaethol a Chymdeithas Ddysgedig Cymru 2017.

Traddodwyd gan yr Athro Emeritws R. Gareth Wyn Jones ar nos Iau 9 Tachwedd 2017 yn Pontio, Bangor.

Yn y ddarlith hon, dehonglir hanes bywyd ar ein planed dros 4.5 biliwn blwyddyn ei bodolaeth.

Dadleuir bod modd adnabod chwe chwyldro ynni ffurfiannol yn hanes ein planed. Drwy ffrwyno ffynhonnell newydd o ynni, daw’r potensial i wneud gwaith ychwanegol, sy’n arwain at gymhlethdod materol ac at gymhlethdod cymdeithasol cynyddol.

Beth yw’r patrymau yn y chwe chwyldro? Beth yw eu goblygiadau ar gyfer y seithfed chwyldro, sydd ar ein gwarthaf ni heddiw?

Mae R. Gareth Wyn Jones wedi ysgrifennu cyfrol Energy: The Great Driver yn seiliedig ar y syniadau a gyflwynodd yn ei ddarlith. Fe'i cyhoeddwyd gan Wasg Prifysgol Cymru yn 2019.

Cyflwyniad Dr Paula Roberts, Prifysgol Bangor, yng Nghynhadledd Wyddonol y Coleg Cymraeg Cenedlaethol 2019.
Cyflwyniad ar sut mae carbon yn ymddwyn mewn priddoedd ychydig o dan y rhewbwynt. Trafodir faint o ddŵr hylifol sydd ar gael ar wahanol dymereddau ym mhriddoedd rhostir a dolydd yr Arctig a sut mae hyn yn effeithio ar ficrobau ac, o ganlyniad, ar allyriant carbon deuocsid.

Diffiniadau ac esboniadau o dermau daearyddol, gan gynnwys prosesau, tirffurfiau, damcaniaethau a thechnegau.

Adeiledd Cymdeithasol
Afon syth
Carst
Cenfetreg
Cerlan
Cludiant Aeolaidd
Cydbwysedd
Cyfnod Cwaternaidd
Daearyddiaeth Ymgorfforol
Damcaniaeth Anghynrychioliadol
Hinsoddeg
Hydrograff
Lle
Llen iâ
Mapio Llifogydd
Mas-Symudiad
Modelu Hydrolig
Naddlin
Osgiladiad Gogledd Iwerydd
Oson
Palaeosianel
Peiran
Rhewlif
Rhychiadau, Rhigolau A Phlicnodau Ffrithiant
Sianeleiddio
Sianeli Dŵr Tawdd
Til
Tirffurfiau Ffrwdrewlifol
Torlannol
Trothwy

Mae’r pecyn deunyddiau yma yn cynnwys deunydd sydd yn cyflwyno ac yn cefnogi sesiwn chwarae rôl sydd yn ysgogi trafodaeth am ymateb y ddynoliaeth i newid hinsawdd.

Mae’r deunydd yn sail i ffug-ddadl y Cenhedloedd Unedig ar Newid Hinsawdd lle mae grŵp o fyfyrwyr yn chwarae rhan gwlad neu grŵp penodol o wledydd.

Mae’r adnoddau yn cynnwys disgrifiad o’r dasg, gwahanol ffyrdd o negydu ymatebion lliniaru, ymaddasu a llywodraethu, yn ogystal â phecynnau gwybodaeth am bob gwlad/grŵp o wledydd. Mae cyflwyniad Powerpoint byr hefyd ar gael er mwyn cyflwyno a strwythuro’r gweithdai.

Mae’r deunyddiau yn ddelfrydol ar gyfer cynnal sesiynau gyda myfyrwyr chweched dosbarth er mwyn arddangos cymhlethdodau cymdeithasol, gwleidyddol ac amgylcheddol newid hinsawdd.

Datblygwyd y deunyddiau gan Dr Hywel Griffiths a Dr Rhys Dafydd Jones, Adran Daearyddiaeth a Gwyddorau Daear, Prifysgol Aberystwyth.

Cliciwch ar 'Cyfryngau Cysylltiedig' uchod i lawrlwytho'r holl ddogfennau yn y pecyn.

Fideo sy'n dangos sut mae cylchrediad dŵr yng ngogledd Môr yr Iwerydd yn effeithio ar dywydd Cymru.

Jess Mead Silvester (myfyriwr PhD ar y pryd mewn Ffiseg Eigion) sydd wedi sgriptio ac sy’n cyflwyno.

Cynhyrchwyd gan Brifysgol Cymru drwy brosiect Cadarn.

Cyflwyniad Catrin Williams, a gyflwynwyd ar ei rhan gan Dr Eifiona Lane, Prifysgol Bangor yng Nghynhadledd Wyddonol y Coleg Cymraeg Cenedlaethol 2019.

Mae Ynys Môn yn safle cadwraeth Daearegol UNESCO oherwydd ei hamrywiaeth ddaearegol. Rho hyn gyfle i edrych ar ddatblygiad cynaliadwy rhanbarthol. Trwy fapio’r parc daearegol gan ddefnyddio data digidol, gellir creu proffil o’r gofod ar gyfer rheolwyr a chynllunwyr amgylcheddol i hyrwyddo dealltwriaeth well o’r heriau rheoli, yn enwedig wrth ystyried prosiectau ynni a’r economi werdd carbon isel.

Eglura’r cyflwyniad rhan gyntaf y prosiect i greu amlinelliad/map digidol i osod sylfaen ymchwil. Bydd y mapiau yn cefnogi cyd-gynhyrchu a chydweithio ar draws gwahanol sectorau a chryfhau ymgynghoriad llawn a chymunedol ar ddyfodol y tirlun sydd yn cael cydnabyddiaeth fyd-eang am ei phwysigrwydd daearegol. Trwy ddeall y gofod yn well, gellir cymharu Geo-môn â Geoparciau lloeren eraill o fewn y DU fydd yn galluogi tyfu cyfalaf cymdeithasol i ddiogelu cyfalaf naturiol trwy rannu ymarfer da rhyngwladol.

Cychwynnir yr ymchwil gydag astudiaeth ddesg o haenau GIS sydd eisoes yn bodoli, dogfennaeth hanesyddol a pholisïau cyfredol, ymweliadau safle a chyfweliadau ag arbenigwyr a rhanddeiliaid lleol, i adnabod blaenoriaethau cadwraeth a datblygiad cyfrifol ar gyfer y corff rheoli a phartneriaid lleol.